uoltum nosse meum, nimium ne credat aheno:
namque fui quondam puer ipse fuique puella
et thamnum et uolucris ludensque e gurgite piscis.
|
Quisque Acragantini putet hac in imagine uatis uoltum nosse meum, nimium ne credat aheno: namque fui quondam puer ipse fuique puella et thamnum et uolucris ludensque e gurgite piscis. |
|
Secta tibi, uafer, ossa rogo, Palamedes, adempta tam breuium fieri tela decebat opum. Martem namque colens, alio necis inscia Marte cisti per campum proelia perque nemus. |
|
Murciae probatus idem, commodus Libentiae. |
|
Sudatis tibi cum campus tondetur aristis, iam magis ista, puer, pocula gratus adis. |
|
Condita quis messis, Ceriales ecce receptus: hos orate ferax compleat usque seges. |
|
Huc lasciua sinant armenta reducier, atque mite caballinae claustra ferant Eponae. |
|
Agrorum sollers, cui, uilice, cura gregisque, aedes ista tibi rusticitatis erit. |
|
Saluete, immemores, annosa cacumina, frondes, atque uirens umbris agger, et arboribus, sublimisque toris quae uerno tempore, silua, florigeris ramos tollis ad astra piris! |
| 5 | Frustra quis ueteres quaero, quis seuerit altas aëriaque trabes, lacteolaque coma (quarum, en! una, licet quondam prope fulmine tacta, uiuificas Zephyri sentit et illa faces, uellere cum maio de mense tegatur in annos |
| 10 | numquam calcata lucidiore niue); quis teneras laetis, effosso caespite, glebis crediderit stirpes, condideritque sinu, mollia quisue pia curauerit arte colonus edita puberibus germina palmitibus, |
| 15 | frustra scire libens quaero. Laudetur at ipsa, quamquam ignota, manus cui tamen haec debeo: annua cui trepidis apibus sollemnia, blandum cui quasi concentum sub foliis, uel aues; candida cui, gratus, puerilis et omina plausus, |
| 20 | cui debeo festis iubila mixta iocis, infantumque choros lecturos, sidere dextro, mitia gramineum poma per omne solum, quae iam Sextili grauidis excusserit hora stipitibus nimii Copia larga boni. |