Poesis Latina A Nuntia scripta
Latin Poetry by Nuntia

De me ipsa

Hic mihi patria est, ubi pascor non ubi nascor,
  vivo Athenisque Romae, solum in mente mea.
Nutrior in campis plenis doctrinis Latinis,
  doceo discipulos, quos mihi fatum dedit.
Laeta natura mea est, laborem maxime colo;
  gaudeo carminibus, novis et veteribus.
Nocte vaco studiis, dum coniunx pulchre mi dormit,
  nomen mihi Nuntia est, venio Zagrabia.
Tempora cum mihi sunt, tum pingere, canere volo;
10    vivum Latinum est nunc semper in voto meo.

Luna

Nox cadit, aliquis me tegit.
Nescio utrum mater sit an manus splendidae Lunae.
Daniel, filius meus (novem annos natus) hoc "haiku" carmen sub titulo "Luna" ante duos dies brevissimo tempore composuit, quod in Latinum converti. Dum is hoc carmen scribebat, eum spectans in momento creationis de eo ipso carmen (Oculi mundi) scripsi.

Oculi mundi

In oculo viridi mei fili parvi
totus mundus spectatur.
Cogitans
de anima sua et mea
carmen scribit.
Oculi coloreis simillimi globulis quibus pueri ludunt.
In illis totus mundus spectatur.

Odor

Odor omnium aetatum anni
vere cadit.

Flores arboris
se reficiunt
in nigra mollitate caeli.

Conclusio ultima

Ubi est anima mea? In picturis meis.
Ubi sunt picturae meae? In muris aliorum.
Ubi est anima mea? In muris aliorum.

Carmen tempore vacuum

O mi cor, tener vestigator,
albis floribus catenata
hederae inter folia
sedeo tranquillo meridie
in oeco, medio mundo.

Amoris mendica

Mendica amoris esse nolo
ut mihi particulae mensae tuae dones;
numquam scripta promissa,
vel dicta,
amor incaptabilis, indescribilis,
inaeternus,
omni die paullatim moritur
lavatus ex omni cellula corporis.
Beneficia tua ne dividas mihi
10  ut Maecenas;
trade potius totum amorem tuum alteri,
ut dicere possim
te verum hominem esse.

Scripsit Nuntia (nenad.rozic@zg.hinet.hr)
Convertit in XML Marc Moskowitz(marc@suberic.net). Ipse convertrum XML-HTML scripsit.
Lege Poemata Latina Hodierna / Read Modern Latin Poetry / Quaere / Search